Programdebatt i Hordaland AP

Hordaland er eit fylke med store utfordringar innanfor både veg, kollektivtrafikk og trafikktryggleik. I fylket vårt har vi både Noregs nest største by, med dei utfordringane det fører med seg, og eit vistrekt og mangfaldig vestlandsfylke med eit vegnett med tildels utilstrekkeleg standard.

Kollektivtrafikken er ein viktig nøkkelfaktor både i forhold til å lukkast med å handtera klimaendringane, og for å sørga for at ein har eit samfunn der alle er med, uavhengig av om dei kan nytte eigen bil eller ikkje. Kollektivtrafikken i Bergensområdet er for tida i stor endring. Fleirtalspartia i fylkestinget har nytta dei siste åra i posisjon, til å innføra radiake og strukturelle endringar i organiseringa av tilbodet. Ein er i ferd med å gå frå eit system med kvalitetskontrakter, til eit reint anbodsregime for drifta av kollektivtrafikken.